Fyri 'teir gomlu' var holl vitan um fiskimið ofta avgerandi fyri at fáa góðan fong, og ýtini vóru teirra vinnuloynidómar. Við nútímans hjálpitólum hevur henda vitanin, sum vanliga gekk í arv frá einum ættarliði til tað næsta, ikki sama týdning longur, og nógv av miðunum og ýtum teirra eru longu gloymd. Hendan skipanin er gjørd í einari roynd at savna nøkur fiskimið, og gera tey teldutøk, áðrenn tey øll verða gloymd.

Eitt av okkara fremstu ynskjum og ætlanum við HÚK-skipanini er at savna flest møgulig fiskimið á einum stað, og at so nógv sum gjørligt gera brúk av teimun og vónandi leggja okkurt aftrat.

Í skipanini er møguligt hjá tí einstaka brúkarinum at leggja síni mið inn í sítt eintak. Um viðkomandi ynskir, at onnur eisini skulu fáa kunnleika til hesi miðini, so er tað lætt at senda egin mið inn til HÚK-áhugabólkin umvegis skipanina. Teir í HÚK-áhugabólkinum ganga síðani ígjøgnum innkomna tilfarið, og meta um tey skulu gerast partur av almenna partinum av HÚK-savninum.

Klikkar tú á knøttirnar omanfyri, kemur tú víðari við at upprætta ella broyta fiskimiðini í HÚK-skipanini.